بامیان ولایت کې د مرستو د وېش لړۍ پای ته ورسېده!
د جمعې په ورځ د روان ۱۴۴۳ سپوږمیزکال د شوال د میاشتې پر ۲۰ مه نېټه د افغاني سرې میاشتې ټولنې له لوري د بامیان ولایت یکاولنګ ۲ ولسوالۍ د ۱۱۷۵ کورنیو له ډلې پاتې ۵۷۵ اړمنو او بېوزلو کورنیو ته د نړیوال فدراسیون د اپیل پروژې ۸ قلمه د خوراکي توکو مرسته چې هرې کورنۍ ته پکې ۵۰ کیلو اوړه، ۲۴.۵ کیلو وریژې، ۷ کیلو لوبیا، ۵ کیلو بوره، ۱ کیلو شین چای، ۱۰ لیتره غوړي، ۱ پاکټ بي پي بیسکېټ او ۲ کیلو مالګه شامل و، ووېشل شوه.
د یادونې وړ ده چې د دې مرستو د وېش لړۍ د پنجشنبې په ورځ ۶۰۰ کونیو ته په مرستې وېشنې سره پیل شوې وه؛ د جمعې په ورځ پاتې ۵۷۵ کورنیو ته په مرستې ورکولو سره پایته ورسېده.
