د افغاني سرې مياشتې ټولنې سرپرست رییس:

قدرمنو خیرپالو هېوادوالو!

السلام علیکم ورحمة الله و برکاته

الله تعالی په خپل سپېڅلي کتاب کې وایي:

وَ مِمَّا رَزَقْناهُمْ يُنْفِقُونَ

"کومه روزي چې مونږ (متقیانو ته) ورکړې؛ له هغې دوی (څه برخه) د الله تعالی د رضا لپاره خیراتوي".

۱ میاشت ago

د ځانګړې اونۍ په پار د افغاني سرې مياشتې د سرپرست عمومي رئيس پيغام
الحمد لله الأکرم الذی أمرنا بالجود والکرم ثم الصلواة والسلام علی رسوله الكريم الذی أنفق و أتم، أما بعد: فَأَعُوذُ بِاللَّهِ مِنَ الشَّيْطَانِ الرَّجِيمِ- بِسْمِ اللَّهِ الرَّحْمَنِ الرَّحِيمِ، قَالَ اللهُ عز وجل:
{وَيُطْعِمُونَ الطَّعَامَ عَلَى حُبِّهِ مِسْكِينًا وَيَتِيمًا وَأَسِيرًا (8) إِنَّمَا نُطْعِمُكُمْ لِوَجْهِ اللَّهِ لَا نُرِيدُ مِنْكُمْ جَزَاءً وَلَا شُكُورًا (9)} [الدهر: 8-9]
ژباړه: او دوى (مؤمنان) د الله عز وجل په مینه كې مسكین، یتیم او بندي ته خواړه وركوي، دوى وايي: بېشكه همدا خبره ده چې مونږ تاسو ته د الله  په خاطر خواړه دركوو، مونږ له تاسو څخه څه بدله او مننه نه غواړو.
درنو زړه سواندو او خيرپالو هېوادوالو! 

السلام علیکم ورحمة الله وبرکاته.
افغاني سره میاشت له څه کم يوې پېړۍ راهيسې د خپل دیني، ملي او وظیفوي مکلفیت پر بنسټ په ملي او نړیواله کچه د بېوزلو، اړمنو او پېښځپلو د لاسنیوي په برخه کې له تعصب او تبعيض پرته هر اړخیز بشرپال خدمات وړاندې کوي. 

افغاني سره میاشت د سېلاب ځپلو، زلزله ځپلو، د طبيعي او غير طبيعي پېښو له امله بې ځایه شویو کورنیو، د سوري زړه پر ناروغۍ د اخته ماشومانو د درملنې، روغتيايي خدماتو وړاندې کولو، د رواني ملاتړ په مرکزونو کې د ناروغانو د درملنې او ساتنې، د ښارونو په کچه د سوالګرو راټولولو، هغوی سره د نغدي مرستو ترسره کولو او مرستونونو کې د سلګونه بې سرپرسته کورنیو د ساتنې په برخه کې د خیرپالو وګړو مرستو او ملاتړ ته اړتیا لري، د افغاني سرې میاشتې له یادو فعالیتونو څخه مادي او معنوي ملاتړ په حقیقت کې د خیرپالو او شتمنو هېوادوالو دیني، ملي او اخلاقي مکلفیت او وجیبه ګڼل کېږي، چې په اداء کولو سره یې د دې کړېدلي او ځورېدلي ولس هوساینه تضمینېدلی شي.

شيخ القرآن والحديث شهاب الدين دلاور

د افغاني سرې مياشتې سرپرست عمومي رئيس