د افغاني سرې میاشتې په مرکزي دفتر کې د ۳۴ ولایتونو نشراتي مدیرانو ته روزنیز ورکشاپ داير شو
د افغاني سرې میاشتې په مرکزي دفتر کې د ۳۴ ولایتونو نشراتي مدیرانو ته روزنیز ورکشاپ داير شو
نن دوشنبه د ربیع الأولی میاشتې پر ۲۳مه، د افغاني سرې میاشتې د اطلاعاتو او خپرونو ریاست اړوند د مرکز او ولایتونو نشراتي مدیرانو ته د ښې منځپانګې، خبر، راپور او کيسې د ليکلو په برخه کې د وړتياوو لوړولو په موخه ۴ ورځنى ښوونیز ورکشاپ پيل شو.
د ياد ورکشاپ پرانيسته کې په عملياتي چارو کې د افغاني سرې میاشتې د سکرتر جنرال مرستیال ښاغلي مولوي عبداللطيف ثابت ګډونوالو ته د ورکشاپ د ارزښت او اهمیت ترڅنګ د کارکوونکو د مسؤلیت او په ورځنيو چارو کې د نوښت او بدلون را وستلو په تړاو هر اړخيز او تفصیلي معلومات وړاندې کړل.
ورپسې د افغاني سرې میاشتې د اطلاعاتو او خپرونو رئیس او ویاند ښاغلي مولوي مدثر همراز نشراتي مديرانو ته د ترسره کېدونکي روزنيز ورکشاپ اړوند موضوعاتو په اړه مقدماتي وينا وکړه او یاد ورکشاپ یې د نشراتي مدیرانو د ظرفیت لوړونې په برخه کې یو ښه فرصت یاد کړ.
یاد ورکشاپ کې به کارکوونکو ته د ښې منځپانګې د جوړولو او د ليکوالۍ اړوند موضوعات وړاندې شي څو په کاري ماحول کې د نشراتي چارو د ښه مخته وړلو لپاره ترې ګټه واخستل شي.
