غور ولایت کې د افغاني سرې میاشتې ټولنې له لوري ۵۰۰ اړمنو، بې سرپرسته او پېښځپلو کورنیو ته مرسته ووېشل شوه!
نن دوشنبه د روان ۱۴۰۰ لمریزکال د کب میاشتې پر ۱۶ مه نېټه د غور ولایت طبیعي او غیر طبیعي پېښځپلو او اړمنو کورنیو ته، چې سروې یې مخکې تر سره شوې وه، د افغاني سرې میاشتې ټولنې له لوري د ترکیې هېواد رالېږل شوې مرسته، چې یوه بسته خوراکي توکي او ۵۰ کیلو اوړه او یوه بسته ژمنۍ البسه په کې شامل و، د غور ولایت د استازولۍ د رییس ښاغلي محمد عارف "مایار" اړوندو کار کوونکو او رضاکارانو په شتون کې ووېشل شوه
