د افغاني سرې میاشتې ټولنې مرستیال د استراتیژیکو پلانونو له متخصص ښاغلي جان کوینګ سره لیدنه ترسره کړه!
نن چهارشنبه د روان ۱۴۰۰ لمریزکال د کب میاشتې پر۱۸ مه نېټه د افغاني سرې میاشتې ټولنې مرستیال ښاغلي ملانورالدین ترابي د استراتیژیکو پلانونو متخصص ښاغلي جان ګوینګ سره د افغاني سرې میاشتې د سکرترجنرال ښاغلي محمد نبي برهان، په کابل کې د سره صلیب د نړیوال فدراسیون او سرې میاشتې لپاره سرپرستې ښاغلې مېرمن برګیتا ارو په شتون کې لیدنه ترسره کړه. د لیدنې په لړکې د ښاغلي جان ګوینګ د مرستې له پیغام او همدا راز د استراتیېژیکو پلانونو په جوړونه کې له تخنیکی مرستو څخه یې قدر دانی وکړ او له افغاني سرې میاشتې سره د اړیکو پر دوام تینګار وشو.
په مقابل کې د استراتیژیکو پلانونو متخصص ښاغلي جان ګوینګ د افغاني سرې میاشتې له رهبرۍ څخه مننه وکړه او د سرې میاشتې لومړي مرستیال ملانورالدین ترابي ته یې د همېشنۍ مرستې ډاد ورکړ. نوموړي زیاته کړه مونږ له څو بهرنیو ډونرانو سره بحث کړي او د استراتیژیک پلان په ترتیب او نورو تخنیکي برخو کې درسره همکار یو.
په پای کې یوځل بیا جان ګوینګ افغاني سرې میاشتې ټولنې سره د تخنیکي مرستو په برخه ژمنه وکړه، چې د افغاني سرې میاشتې د رهبرۍ له لوري یې قدردانی وشو.
