د افغاني سرې میاشتې له لوري د ننګرهار ولایت اړوند په جلال اباد ښار کې له سیلاب ځپلو سره د خوراکي او نورو توکو مرسته وشوه
نن پنجشنبه د محرم د میاشتې پر ۲۶مه، د افغاني سرې میاشتې له لوري د ننګرهار ولایت د جلال آباد ښار اړوند په مختلفو سیمو کې د سختو ورښتونو له امله له ۱۵۰ زیانمنو شویو او اړمنو کورنیو سره په ټولیزه توګه د ۱۲.۳۹۰ ټنه خوراکي توکو مرسته ترسره شوه.
یاده مرسته چې د ترکیې هېواد د سرې میاشتې له لوري چمتو شوې وه؛ هرې کورنۍ ته ۸۲.۶ کیلو خوراکي توکي چې اوړه، وریژې، غوړي، لوبیا، بوره، روب، شین چای، مکروني، مالګه او بیسکوټ په کې شامل وو؛ ورکړل شول.
