ننګرهار کې د زلزله ځپلو ملاتړ؛ ۱،۰۰۰ کورنیو ته روغتیايي او کرامت بستې ووېشل شوې
دوشنبه، ۲۶ شوال ۱۴۴۷
د افغاني سرې میاشتې له لوري د ننګرهار ولایت د دره نور ولسوالۍ په اړوندو سیمو کې ۱،۰۰۰ زلزله ځپلو کورنیو ته روغتیايي او انساني کرامت بستې ووېشل شوې.
یاده مرسته چې د ملي ټولنو د نړیوال فدراسیون په مالي ملاتړ برابرې شوې وه، له مخې یې ۷۰۰ کورنیو ته د روغتیا ساتنې بستې او ۳۰۰ کورنیو ته د انساني کرامت بستې ووېشل شوې.
دغه مرسته د روغتیايي ستونزو د مخنیوي او د زیانمنو کورنیو د لومړنیو اړتیاوو د پوره کولو په موخه ترسره شوه.
افغاني سره میاشت له زیانمنو کورنیو سره د مرستو او لاسنیوي چارې په پرله پسې او منظم ډول ترسره کوي.
