د افغاني سرې میاشتې مشعل بیات ښوونځي لپاره د اړتیا وړ لابراتواري توکي و پیرل شول
شنبه، ۶ ربیع الاول ۱۴۴۷
د افغاني سرې میاشتې اړوند مشعل بیات ښوونځي لابراتوار ته د زده کوونکو د عملي زده کړو لپاره د زمینې برابرولو په موخه د نږدې ۱۰۰ زره افغانیو په ارزښت ۴۹ قلمه بېلابېل توکي او وسايل وپېرل شول. د یادو وسایلو په کارولو سره به زده کوونکو ته دا فرصت برابر شي، څو وکولی شي ټولګیو کې د نظري زده کړو د ترلاسه کولو وروسته په لابراتوار کې عملي تجربې ترسره او خپلې پوهې ته لا ډېره پراختیا ورکړي.
