بامیان؛ د پېښو مدیریت او د نغدو پیسو وېش روزنیز ورکشاپ پای ته ورسېد

شنبه، ۶ ربیع الأول ۱۴۴۷
د افغاني سرې میاشتې له لوري د بامیانو ولایت په نمایندګۍ کې ۲۵ تنو کارکوونکو او رضاکارانو ته د پېښو مدیریت او نغدو پیسو وېش تر عنوان لاندې د ظرفیت لوړونې شپږ ورځنی روزنیز ورکشاپ د تصدیقپاڼو په وېشلو پای ته ورسېد.
ورکشاپ کې ګډونوالو ته د پېښو پر مهال د مؤثرې ځواب وینې، د زیانمنو د ژغورنې او د لومړنیو مرستو د وړاندې کولو په اړه د مهارتونو د پیاوړتیا په موخه معلومات ورکړل شول، څو وکولی شي په بېړنیو حالاتو کې پر وخت، مسلکي او اغېزمن خدمتونه ترسره کړي.