د افغاني سرې میاشتې سرپرست عمومي رییس او د افغاني سرې میاشتې مرستیال د خوست او پکتیکا ولایتونو له زلزله ځپلو او په ۲۱ نورو ولایتونو کې له سیلاب ځپلو کورنیو سره د لا نورو مرستو په اړه تفصیلي ناسته ترسره کړه!
د افغاني سرې میاشتې سرپرست عمومي رییس مولوي مطیع الحق خالص او د افغاني سرې میاشتې مرستیال ملا نورالدین ترابي د خوست او پکتیکا ولایتونو له زلزله ځپلو او په ۲۱ نورو ولایتونو کې له سیلاب ځپلو کورنیو سره د لا نورو مرستو په اړه تفصیلي ناسته ترسره کړه. ناسته کې د بېړنیو مرستو په ښه ډول پر رسولو او د زلزله ځپلو تر څنګ له سیلاب ځپلو کورنیو سره له مرسته کوونکو د مرستو پر جلب خبرې وشوې.
همدا ډول په افغانستان کې د وچکالۍ پر زیادت اندیښنه وښودل شوه او تصمیم ونیول شو، چې بهرني او کورني مرسته کوونکي به هڅول کېږي چې له وچکالۍ ځپلو سره د خوراکي اوغیر خوراکي مرستو تر څنګ دوی سره د څاګانو د کیندلو په برخه کې هم پراخه مرسته وکړي.
ناسته کې ښاغلي "خالص" سپارښتنه وکړه، چې وچکالۍ ځپلو سیمو ته د څاګانو د کیندلو په اړه دې د افغاني سرې میاشتې د روغتیا ریاست او اړمنو کورنیو ته د خوراکي او غير خوراکي توکو د شته اړتيا چارې دې
