۵۰۰ بې سرپرسته کورنیو ته د ځان بسياینې په موخه د خیاطۍ او ګلدوزۍ توکي چمتو کېږي
دوشنبه، ۲۵ محرم الحرام ۱۴۴۷
د افغاني سرې میاشتې مرکزي دفتر کې د کابل مرستون اړوند ( هلمند، فراه او فاریاب ) ولایتونو ۵۰۰ بې سرپرسته کورنیو ته پر ځان د بسياینې په موخه د خیاطۍ او ګلدوزۍ اړوند د ۱۹ قلمه توکو د چمتو کولو په اړه د داوطلبۍ غونډه وشوه.
غونډه کې ۶ سوداګريزو او لوژیستیکي شرکتونو ګډون درلود، چې د نظارت او ارزونې د ټيم له لوري د اسنادو تر ارزونې او کره کتنې وروسته به یې د چمتو کولو قرارداد په شرایطو برابر ګټونکي شرکت ته ورکړل شي.
