په تیره یوه میاشت کې د افغاني سرې میاشتې له له لوري په دایکندي ولایت کې بیلابیل روغتیایي خدمتونه ترسره شوي دي
افغاني سرې میاشتې په تېرو ۳۰ ورځو کې په دایکندي ولایت کې د خپلو روغتیایي مرکزونو پر مټ په بېلابېلو سیمو کې په ټوله کې ۱۱۵۹۵ تنو ناروغانو ته روغتیایي خدمات وړاندې کړي.
په یادو ناروغانو کې ۴۸۹۵ تنو ته معاینات او درملنه ترسره شوې، ۲۷۸ تنو ته پانسمان، ۵۶۲ تنو ته ښځو او ماشومانو ته مختلف واکسینونه تطبیق شوي، ۳۰۴ مېرمنو ته له زېږون وړاندې او وروسته معاینات ترسره شوي، ۱۳۰ مېرمنو ته د کورنیو تنظیم په اړه پوهاوی ورکړل شوی، ۲۵۳ تنو خوارځواکو ماشومانو ته ځانګړي خوراکي توکي ورکول شوي او ۵۱۷۳ تنو ته د روغتیا ساتنې په اړه عامه پوهاوی هم ورکړل شوی.
