پنجشېر؛ د غر ښویېدنې له امله له ۲ زیانمنو کورنیو سره نغدي مرسته وشوه
شنبه، ۳ جمادی الآخره ۱۴۴۸
د افغاني سرې میاشتې له لوري د پنجشېر ولایت د عنابې ولسوالۍ په تاواخ کلي کې د غر ښویېدنې له امله له دوو زیانمنو کورنیو سره ۳۲ زره افغانۍ نغدي مرسته وشوه.
د مرستې له مخې، هغې کورنۍ ته چې د پېښې له امله یې یو غړي ژوند له لاسه ورکړی و، ۲۰ زره افغانۍ او بلې کورنۍ ته چې یو غړی یې ټپي شوی و، ۱۲ زره افغانۍ ورکړل شوې.
یاده مرسته د زیانمنو کورنیو د بېړنیو اړتیاوو د پوره کولو او د پېښې له امله د رامنځته شوو ستونزو د کمولو په موخه ترسره شوه.
افغاني سره میاشت د طبیعي پېښو له امله زیانمنو کورنیو ته د بېړنیو بشري مرستو په رسولو او د هغوی د لومړنیو اړتیاوو په پوره کولو کې خپلو هڅو ته دوام ورکوي.
