نړيوالو کاري شريکانو سره د کونړ زلزله ځپلو ته د بېړنيو مرستو په موخه د همغږۍ ناسته وشوه
چهارشنبه، ۱۰ ربیع الأول ۱۴۴۷
په کونړ کې د وروستۍ مرګونې زلزلې له امله د زیانمنو شوو هېوادوالو لپاره د بېړنيو مرستو د چمتو کولو په موخه، د افغاني سرې میاشتې عمومي رئیس ښاغلي شیخ الحدیث شهاب الدین دلاور، په افغانستان کې د آی سي آر سي د مشرې آغلې کترینا ریټز، د ملي ټولنو نړیوال فدراسیون د مشر ښاغلي جُی سینګال، مرستیالې آغلې هُما نادر او مل پلاوي ترمنځ د همغږۍ ناسته وشوه.
ناسته کې د زلزله ځپلو وضعیت و ارزول شو او د زيانمنو د بېړنيو اړتیاوو د پوره کولو لپاره د همکارۍ پر پراخېدو ټینګار وشو.
ښاغلي دلاور د نړیوالو کاري شریکانو په ځانګړي ډول د آی سي آر سي او نړیوال فدراسیون له دوامداره ملاتړ مننه وکړه او د نورو پراخو بشري مرستو غوښتنه یې وکړه.
ورپسې آغلې کترینا ریټز او ښاغلي جُی سینګال زیانمنو وګړو ته د افغاني سرې میاشتې د خدمتونو ستاینه وکړه او زیاته یې کړه، چې چمتو دي د افغاني سرې میاشتې له لارې د زلزله ځپلو افغانانو بشپړ ملاتړ او لاسنیوی وکړي.
