نن چهارشنبه د صفر د مياشتې پر ۲۰مه پنجشېر ولایت کې د افغاني سرې میاشتې د سرپرست عمومي رئیس مولوي مطیع الحق خالص له لوري په ټولنه کې د افغاني سرې میاشتې ولایتي مجامع د اعضاو پرانیست غونډه!
نن چهارشنبه د صفر د مياشتې پر ۲۰مه پنجشېر ولایت کې د افغاني سرې میاشتې د سرپرست عمومي رئیس مولوي مطیع الحق خالص له لوري په ټولنه کې د افغاني سرې میاشتې ولایتي مجامع د اعضاو پرانیست غونډه د ټولنې، ولسي وګړو او د افغاني سرې میاشتې تر منځه د اړیکو د پیاوړتیا په موخه ترسره شوه ناستې ته د افغاني سرې میاشتې سرپرست عمومي رئیس ښاغلي مولوي مطیع الحق خالص ګډونوالو ته د وینا پر مهال د ښه راغلاست وروسته وويل "موږ ټول يو ملت يو، د هېواد په هر ګوټ کې چې هر هېوادوال ته تکليف او درد ورسېږي موږ هم ورسره د تکليف او درد احساس کوو". نوموړي وويل "د ولايتي ټولنو د ايجاد ګام مو ځکه واخيست ترڅو د ریښتينو اړمنو وګړو غږ واورو او د مرستې لاس وروغځوو". ښاغلي مولوي مطیع الحق خالص د ولايتي ټولنو نويو اعضاو ته په خطاب کې وويل "ستاسو همکارۍ ته پوره اړتيا ده، چې واقعي اړمن وګړي را په ګوته کړئ، د ولس غږ تر مونږ را ورسوئ او خپله ايماني او اخلاقي وجيبه ادا کړئ". نوموړي وويل "موږ رخصتي نه کوو، هميشه زموږ دروازې ستاسې پر مخ پرانیستې دي، هر وخت کولی شئ د ولس ستونزې تر مونږ را ورسوئ". ښاغلي خالص وويل "موږ د ولس ضرورتونه او مشکلات درک کوو او کوښښ کوو حل لارې ورته ولټوو، افغاني سرې مياشتې ته چې هر څه راځي د ولس دي او موږ به يې تر ولس ورسوو". نوموړي وويل "د مرستو په وېش کې موږ هېڅکله تبعيض نه کوو او د هېواد هر وګړي ته پرته له تفاوت خپلې مرستې رسوو. موږ د عاجلو مرستو په اړه له نړيوالو سره په خبرو بوخت يو؛ ترڅو اړمن ولس ته د کار فرصتونه برابر کړو او په خپلو پښو ودرېږي".
