د افغاني سرې میاشتې په همغږۍ  د قطر د سرې میاشتې په مالي ملاتړ د اړمنو د لاسنيوي په موخه د ٣ پروژو پرانيست غونډه ترسره شوه!

arcs_website_admin
سه‌شنبه ۱۴۰۳/۱۱/۱۶ - ۱۹:۴۳
خبرونه

د افغاني سرې میاشتې په همغږۍ  د قطر د سرې میاشتې په مالي ملاتړ د اړمنو د لاسنيوي په موخه د ٣ پروژو پرانيست غونډه ترسره شوه!

نن سه شنبه د شعبان میاشتې پر ۵ مه، د افغاني سرې میاشتې په همغږۍ د قطر د سرې میاشتې په مالي ملاتړ د روان زيږديز کال په ترڅ کې د ٣ نوو پلي کېدونکو پروژو پرانيسته د افغاني سرې میاشتې د مرستیال ښاغلي حافظ عزیزالرحمن، په افغانستان کې  د قطر د سرې میاشتې مسؤل ښاغلي حسین احمد بوتاني او  په افغانستان کې د نړیوال فدراسیون د مرستیال ښاغلي احمد سلیمان په شتون کې ترسره شوه.
غونډه کې د افغاني سرې مياشتې مرستیال د يادو پروژو پر پيليدا خوښي وښوده او ددې مهمو پروژو له لارې ترسره کېدونکې  مرستې یې د اړمنو هېوادوالو ، بې سرپرسته کورنيو او معلولینو  لپاره خورا زیاتې مهمې او اغېزمنې يادې کړې. 
همدا راز ښاغلي عزیز الرحمن له افغاني سرې میاشتې سره په ستونزمنو حالاتو کې د قطر سرې میاشتې له هر اړخيزې همکارۍ څخه مننه وکړه او دواړو لوریو ترمنځ یې ګډه همکاري د بشري مرستو د پراختیا او دوام په پار  يو مهم ګام وباله. 
ورپسې په افغانستان کې د قطر د سرې میاشتې مسؤل په خپلو څرګندونو کې د يادو پروژو په اړه د هر اړخيزو معلوماتو د وړاندې کولو ترڅنګ  دا پروژې د دواړو هېوادونو ترمنځ د اړیکو د ځواکمنتیا لپاره ارزښتمنې وګڼلې او زياته يې کړه چې  موږ به له افغاني سرې میاشتې سره خپلې مرستې جاري وساتو. 
دا راز په افغانستان کې د نړیوال فدراسیون مرستیال د افغاني سرې مياشتې ټولنه  او د قطر سره مياشت د نړیوال فدراسیون غړې ملي ټولنې يادې کړې او د دا ډول پروژو د دوام د غوښتلو ترڅنګ يې دواړو لوریو ته مبارکي ورکړه.

د يادونې وړ ده چې د يادو ٣ مهمو پروژو له لارې به  ۳۲۸ تنه معلولينو ته ویلچرونه، د روژې په مناسبت سمنګان او ارزګان ولایتونو ۸۵۰ کورنیو ته د خوراکي توکو بستې او په میدان وردګ او لوګر ولایتونو کې ۸۰۰ اړمنو کورنیو ته خوراکي توکي ووېشل شي.

تازه خبرونه

پنجشنبه ۱۴۰۳/۱۲/۲۳ - ۱۸:۳۶
Background image

کندهار ولایت کې پر ۶۵ سېلاب ځپلو کورنیو څه کم ۵ ټنه د خوراکي توکو مرسته ووېشل شوه!

کندهار ولایت کې پر ۶۵ سېلاب ځپلو کورنیو څه کم ۵ ټنه د خوراکي توکو مرسته ووېشل شوه!

نن پنجشنبه د رمضان د میاشتې پر ۱۳مه، د افغاني سرې میاشتې له لوري په کندهار ولایت کې له ۶۵ سېلاب ځپلو. . .

پنجشنبه ۱۴۰۳/۱۲/۲۳ - ۱۸:۳۳
Background image

پکتیا ولایت کې پر اړمنو او بېوزله کورنیو ۶ قلمه د خوراکي توکو مرسته ووېشل شوه!

پکتیا ولایت کې پر اړمنو او بېوزله کورنیو ۶ قلمه د خوراکي توکو مرسته ووېشل شوه!

نن پنجشنبه د رمضان د میاشتې پر ۱۳مه، د افغاني سرې میاشتې له لوري د پکتیا ولایت د احمد آبا ولسوالۍ له ۳۵۰. . .

پنجشنبه ۱۴۰۳/۱۲/۲۳ - ۱۸:۳۰
Background image

د نورستان ولایت ښوونیز مرکز کې له زده کوونکو څخه آزموینه واخیستل شوه!

د نورستان ولایت ښوونیز مرکز کې له زده کوونکو څخه آزموینه واخیستل شوه!

نن پنجشنبه د رمضان د میاشتې پر ۱۳مه، د افغاني سرې میاشتې د نورستان ولایت اړوند ښوونیز مرکز کې د انګلیسي او کمپیوټر. . .

BACK TO NEWS