د افغاني سرې میاشتې عمومي سرپرست رییس مولوي مطیع الحق خالص په قطر کې د ۱۰ هېوادونو د سفارتونو له استازو، نړیوال فدراسیون او قطر سرې میاشتې له استازو سره ولیدل!
د افغاني سرې میاشتې عمومي سرپرست رییس قطر هېواد ته د روان سفر په درشل کې د یوې تفصیلي ناستې په ترڅ کې د کاناډا، المان، ایټالیا، جاپان مالیزیا،نیدرلینډ، سپین، سویزرلینډ، انګلستان او امریکا د سفارتونو له استازو، نړیوال فدراسیون او د قطر د سرې میاشتې له استازو سره د قطر هېواد په پلازمېنه دوحه کې ناسته ترسره کړه.
په یاده ناسته کې له افغانستان سره د بشري مرستو، د بشري خدمتونو د ښه ترسره کولو لپاره د پیسو په لېږد کې د ستونزو او ګڼو نورو ستونزو په اړه تفصیلي خبرې وشوې.
د افغاني سرې میاشتې عمومي رییس له نړیوالو او خیریه موسسو وغوښتل، چې له افغانانو سره پدې ستونزمن وخت کې پراخې مرستې ترسره کړي. نوموړي د یادو هېوادونو استازو ته ډاډ ورکړ، چې ستاسې مرستې به په پوره ډاډ او شفافیت پر اړمنو هېوادوالو وويشل شي.
