خوست کې ۱،۰۰۰ داخلي بېځایه شوې کورنۍ له ۱۵ میلیونه افغانیو برخمنې شوې
سې شنبه، ۱۳ شوال ۱۴۴۷
د افغاني سرې مياشتې له لوري د خوست ولایت په علیشېرو ولسوالۍ کې ۱،۰۰۰ داخلي بېځایه شوې کورنۍ له ۱۵ میلیونه افغانیو نغدي مرستې برخمنې شوې.
په مرسته کې هرې کورنۍ ته د اقتصادي لاسنیوي او بشري خواخوږۍ په موخه ۱۵ زره افغانۍ ورکړل شوې.
تېره ورځ هم د همدې مرستې په لړ کې د ځاځي میدان ولسوالۍ کې ۱۲۰۰ بېځایه شوو کورنیو له ۱۸ میلیونه افغانیو نغدي مرستې برخمنې شوې وې.
افغاني سره میاشت ژمنه ده، چې له بېځایه شویو او زیانمنو کورنیو سره د لومړنیو اړتیاوو د پوره کولو په برخه کې پر وخت ملاتړ وکړي.
