پنجشېر او کاپیسا کې ۱۰۰۰ اړمنو او راستنو شوو کورنیو سره ژمنۍ مرسته وشوه
سې شنبه، ۲۹ شعبان ۱۴۴۷
د افغاني سرې میاشتې له لوري په پنجشېر او کاپیسا کې ۱۰۰۰ اړمنو او راستنو شوو کورنیو سره د ژمنیو توکو مرسته وشوه، چې په هر ولایت کې ۵۰۰ کورنۍ شاملې وې.
په مرسته کې هرې کورنۍ ته ۳ ژمنۍ بستې ورکړل شوې، چې د ماشومانو، نارینه او ښځینه وو جمپرونه، بنیانونه، دستکشې، جورابې، څادرونه، بوټان او یو شمېر نور د اړتیا وړ توکي پکې شامل وو.
دا مرستې به د ژمي د سړې هوا منفي اغېزې راکمې او د اړمنو کورنیو د خوندیتوب لپاره مؤثرې تمامې شوي.
د اړمنو او راستنو شوو کورنیو لاسنیوی د افغاني سرې میاشتې له لومړیتوبونو څخه دی.
