د ځان بسیاینې په موخه؛ کندهار او ننګرهار کې ۹۸ بې سرپرسته اړمنو کورنیو سره څه باندې ۱ میلیون افغانۍ نغدي مرسته وشوه

دوشنبه، ۲۲ رجب ۱۴۴۷
د افغاني سرې میاشتې له لوري له ۵۰ بې سرپرسته اړمنو کورنیو سره په کندهار او ۴۸ کورنیو سره په ننګرهار کې د کوچنیو کاروبارونو د برابرولو او ځان بسیاینې په موخه په دوهم او وروستي پړاو کې یو میلیون او دوه سوه څلور اویا زره (۱،۲۷۴،۰۰۰) افغانۍ نغدي مرسته وشوه، چې هرې کورنۍ ته ۱۳ زره افغانۍ ورکړل شوې.
تمه ده، چې یاده نغدي مرسته د کوچنیو عایداتي فعالیتونو د پیل او پیاوړتیا له لارې د دغو بې سرپرسته کورنیو اقتصادي وضعیت ښه کړي، د عاید دوامداره سرچینې ورته رامنځته کړي او پر نورو یې تکیه راکمه کړي.
د یادونې وړ ده، چې تر دې وړاندې هم پر یادو کورنیو په لومړي پړاو کې نږدې دوه میلیونه افغانۍ وېشل شوې وې.