افغاني سرې میاشتې د موبي ګروپ مسئولین وستایل
افغاني سرې میاشتې د موبي ګروپ مسئولین وستایل
سه شنبه، ۶ ذوالحجه ۱۴۴۶
د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور او د نوموړي مرستیال ښاغلي حافظ عزیز الرحمن د دې خیریه ملي ټولنې مرکزي دفتر کې د سوري زړه ناروغانو د درملنې په موخه د موبي ګروپ پر ځینو مسئولینو د پيسو را جمع کولو په پار ستاینلیکونه ووېشل.
په همدې موخه جوړه شوې ناسته کې سرپرست عمومي رئیس د سوري زړه پر ناروغۍ د اخته ناروغانو د درملنې او عملیات په موخه د هېواد دننه او بهر د نغدي مرستو راټولولو په پار د دوی مننه وکړه او د الله سبحانه وتعالی له دربار څخه یې ورته په دنیا او اخرت کې د بریالیتوب غوښتنه وکړه.
یاده د وي چې سږ کال د روژې مبارکې میاشتې له پيله تر پایه موبي ګروپ د روژه ماتې پر مهال تلویزیون کې د ترتیب کړي پروګرام له لارې افغاني سرې میاشتې ته د سوري زړه ناروغانو د درملنې او عملیاتو په موخه په هېواد کې دننه او بهر له خيرپاله وګړو څخه ټولټال ۶ میلیونه یو سل، اووه اتیا زره او درې پنځوس (۶۱۸۷۰۵۳) افغانۍ او دوه دیرش زره نهه سوه اووه (۳۲۹۰۷) امریکايي ډالر را جمع کړي وو.
