میدان وردګ؛ پر سېلاب ځپلو کورنیو د خوراکي، غیر خوراکي توکو او نغدي مرسته ووېشل شوه
یکشنبه، ۱۰ محرم الحرام ۱۴۴۷
د افغاني سرې میاشتې له لوري د میدان وردګ ولایت د نرخ ولسوالۍ په چین زائي سیمه کې پر ۴۱ سېلاب ځپلو کورنیو د خوراکي، غیر خوراکي توکو او نغدو پيسو مرسته ووېشل شوه.
په یاده مرسته کې هرې کورنۍ ته ۱۰۰ کیلو غنم، یوه د روغتیا ساتنې بسته او ۱ سیټ د پخلنځي توکي ورکړل شول.
همدا راز د یادو کورنیو له جملې پر ۱۰ کورنیو چې کورونه يې بشپړ ويجاړ شوي وو، خېمې او ترپالونه هم ووېشل شول.
ترڅنګ یې له یوې هغې کورنۍ سره چې د سېلابونو له امله يې د کورنۍ یو تن غړي خپل ژوند له لاسه ورکړى و او ځينې نور ټپيان شوي وو، یوه اندازه نغدي مرسته هم ترسره شوه.
