کابل؛ د ګرمې اعاشې او امنیتي کمرو د تدارک لپاره د داوطلبۍ دوه ناستې وشوې
یکشنبه، ۲۸ ذوالحجه ۱۴۴۷
د افغاني سرې میاشتې په مرکزي دفتر کې د دې ادارې د کابل مرکزي مرستون د داخلي مشمولینو لپاره د ۲۴ قلمه ګرمې اعاشې او د ساتنې او خونديتوب ریاست لپاره د ۱۸ قلمه امنیتي کمرو د تدارک په موخه د داوطلبۍ دوه جلا ناستې ترسره شوې.
د داوطلبۍ یادې ناستې، چې د تهيې او تدارکاتو آمریت له لوري تنظیم شوې وې، ۶ لوژستیکي او سوداګریزو شرکتونو پکې ګډون کړی و. ټاکل شوې ده، چې د داوطلبۍ د اسنادو له کره کتنې او ارزونې وروسته به د یادو توکو د تدارک قراردادونه له شرایطو سره سم وړ شرکتونو ته وسپارل شي.
افغاني سره میاشت هڅه کوي د تدارکاتي چارو په بهیر کې د روڼتیا، عدالت او حساب ورکونې اصولو ته په پام د اړتیا وړ توکي او خدمات په اغېزمنه توګه برابر کړي.
