میدان وردګ؛ د ورښتونو له امله ۴ زیانمنو کورنیو سره غیر خوراکي مرسته وشوه
دوشنبه، ۱۹ شوال ۱۴۴۷
د افغاني سرې میاشتې له لوري د میدان وردګ ولایت په جغتو ولسوالۍ کې د سختو ورښتونو له امله له ۴ زیانمنو کورنیو سره غیر خوراکي مرسته وشوه.
په مرسته کې هرې کورنۍ ته ۵ کمپلې، ۲ ترپالونه، ۱ د پخلنځي د توکو سیټ او ۲ د اوبو بوشکې ورکړل شوې.
همدارنګه، له دغو کورنیو څخه هغو ۲ کورنیو ته چې کورونه یې په بشپړ ډول نړېدلي وو، یوه یوه خېمه هم ورکړل شوه.
افغاني سره میاشت د طبیعي پېښو پر مهال زیانمنو هېوادوالو ته پر وخت مرستې رسوي او د هغوی لومړنۍ اړتیاوې پوره کوي.
