پکتیکا کې پر ۳۰۰ بې سرپرسته مېرمنو نغدي مرسته ووېشل شوه
شنبه، ۸ جمادی الآخره ۱۴۴۷
د افغاني سرې میاشتې له لوري د پکتیکا ولایت په ګومل ولسوالۍ کې د خوارځواکۍ له امله اغېزمنو شوو ۳۰۰ مېرمنو د خوړو اړتیا د پوره کولو په موخه په څلورم پړاو کې درې میلیونه (۳،۰۰۰،۰۰۰) افغانۍ نغدي مرسته ووېشل شوه، چې هرې کورنۍ ته ۱۰ زره افغانۍ ورکړل شوې.
د یادونې وړ ده، چې پر یادو کورنیو به په راتلونکې میاشت کې هم ورته مرسته ووېشل شي، څو له دې لارې وکولی شي، چې د خوارځواکۍ کچه او اقتصادي ستونزې تر یوې اندازې را کمې کړي.
