کاپیسا کې د ۳۵۰ بېوزله کورنیو بشري لاسنیوی وشو
چهارشنبه، ۵ جمادی الآخره ۱۴۴۷
د افغاني سرې میاشتې له لوري د کاپیسا ولایت په مرکز محمود راقي او نجراب ولسوالۍ کې له ۳۵۰ اړمنو او بېوزلو کورنیو سره د بشري خواخوږۍ په موخه ۹ قلمه د خوراکي او غیر خوراکي توکو مرسته وشوه.
په مرسته کې هرې کورنۍ ته ۲۵ کیلو اوړه، ۱۰ کیلو وریژې، ۲ لیټره غوړي، ۵ کیلو بوره، ۲ کیلو روب، ۵ کیلو مکروني، ۵ چکۍ د کالیو مینځلو صابون، ۱ د کالیو مینځلو د شامپو بوتل او یوه د روغتیا ساتنې بسته ورکړل شوه.
د دې مرستې په ترلاسه کولو سره به یادې کورنۍ وکولی شي، څو د ژوند لومړنۍ او بېړنۍ اړتیاوې تر یوې اندازې پوره کړي.
