کونړ کې له ۷۵۰ بزګرانو سره نغدي مرسته وشوه
چهارشنبه، ۷ جمادی الأولی ۱۴۴۷
د افعاني سرې میاشتې له لوري د کونړ ولایت په مرورې ولسوالۍ کې له ۷۵۰ وچکالۍ ځپلو بزګرانو سره اتلس میلیونه او اووه سوه پنځوس زره (۱۸،۷۵۰،۰۰۰) افغانۍ نغدي مرسته وشوه، چې هر بزګر ته ۲۵ زره افغانۍ ورکړل شوې.
ياده نغدي مرسته به بزګرانو ته د مالي ملاتړ ترڅنګ د کرنیزو محصولاتو د کچې په لوړوالي او د خوړو خونديتوب برخه کې اغېزمن رول ولري.
د یادونې وړ ده، چې تېره ورځ هم په سرکاڼو ولسوالۍ کې د وچکالۍ له امله پر ۱۵۰۰ اغېزمنو شوو کورنیو اووه دېرش نیم میلیونه افغانۍ نغدي مرسته وېشل شوې وه.
