د افغاني سرې میاشتې کرکټ لوبډلې د کابل شل اوره سیالیو اتلولي وګټله
پنجشنبه، ٩ ربیع الآخر ۱۴۴۷
د کابل ښار په کچه د اته غوره لوبډلو شل اوره کرکټ سیالۍ چې د افغاني سرې میاشتې، افغان ټېلېکام، اټوما، عزیزي بانک، اتحاد، صافي سټار، MKCC Champion او یونایټډ لوبډلو تر منځ ترسره شوې، د افغاني سرې میاشتې لوبډلې په بریا پای ته ورسېدې.
په دې سیالیو کې چې د ورزش د ودې او لوبغاړو د استعدادونو د ښودلو په موخه پیل شوې وې، د پای لوبې ته افغاني سرې میاشتې او عزیزي بانک لوبډلو لار وموندله چې په يوه په زړه پورې لوبه کې د افغاني سرې میاشتې لوبډلې وکولی شول د عزیزي بانک لوبدلې ته د ۲۰ منډو په توپیر ماتې ورکړي او د اتلولۍ جام خپل کړي.
