کابل!

افغاني سرې میاشتې نن د جمادي الاول پر لومړۍ نېټه، د تېر په څېر یو ځل بیا ۳۰ تنه د سوري زړه په رنځ اخته ماشومان د درملنې او عملیاتو په پار پلازمینه کابل کې دوو داخلي روغتونونو ته ور وپېژندل. د دغو ماشومانو د درملنې او عمليات ټول لګښت د افغاني سرې میاشتې له لوري تاديه کیږي.د یادونې وړه ده چې افغاني سرې میاشتې په تېرو ۱۶ میاشتو کې ددوی په شمول ټولټال ۲۴۱۰ ماشومان بېلابېلو روغتونونو ته ور پېژندلي دي.