کونړ کې ۱۵۰۰ زلزله ځپلو کورنیو سره نغدي مرسته وشوه
سې شنبه، ۲۵ جمادی الآخره ۱۴۴۷
د افغاني سرې میاشتې له لوري د کونړ ولایت د نورګل ولسوالۍ په مزار دره کې له ۱۵۰۰ زلزله ځپلو کورنیو سره د بشري خواخوږۍ او لومړنیو اړتیاوو د پوره کولو په موخه اووه دېرش میلیونه او پنځه سوه زره (۳۷،۵۰۰،۰۰۰) افغانۍ نغدي مرسته وشوه، چې هرې کورنۍ ته ۲۵ زره افغانۍ ورکړل شوې.
د دغې مرستې په ترلاسه کولو سره به یادې کورنۍ وکولی شي، څو خپلو ورځنیو اړتیاوو ته په منظمه توګه رسېدنه وکړي.
د یادونې وړ ده، چې څه موده وړاندې هم د یاد ولایت په څوکۍ ولسوالۍ کې پر ۱۵۰۰ زلزله ځپلو کورنیو نږدې ۱۶ میلیونه افغانۍ وېشل شوې وې.
