کونړ کې له زلزله ځپلو کورنیو سره څه د پاسه ۳۲ نیم میلیونه افغانۍ نغدي مرسته ترسره شوه

سې شنبه، ۱۸ جمادی الآخره ۱۴۴۷
د افغاني سرې میاشتې له لوري د کونړ ولایت په نورګل ولسوالۍ کې له ۳۱۰۰ زلزله ځپلو کورنیو سره د بېړني ملاتړ او بشري لاسنیوي په موخه دوه دېرش میلیونه او پنځه سوه پنځوس زره (۳۲،۵۵۰،۰۰۰) افغانۍ نغدي مرسته ترسره شوه، چې هرې کورنۍ ته ۱۰،۵۰۰ افغانۍ ورکړل شوې.
د دې مرستې په ترلاسه کولو سره به یادې کورنۍ وکولی شي، چې بېړنۍ او ژمنۍ اړتیاوې پوره کړي.
د یادونې وړ ده، چې څو ورځې وړاندې هم په یاده ولسوالۍ کې پر ۱۵۰۰ زلزله ځپلو کورنیو پنځلس میلیونه او اووه سوه پنځوس زره افغانۍ نغدي مرسته وېشل شوې وه.