کندهار کې ۷۰ نورو کورنیو ته د افغاني سرې میاشتې له لوري مرسته وویشل شوه
کندهار ولایت کې نن د روان ۱۴۰۰ لمریز کال د مرغومي پر ۲۲مه د افغاني سرې میاشتې له لوري ۷۰ اړمنو، وچکالۍ ځپلو، جنګ ځپلو، بې ځایه شویو او بې سرپرسته کورنیو ته له پاکستان هېواد څخه راغلې خوراکي او د نړیوال فدراسیون چمتو کړې ژمنۍ مرسته وویشل شوه.
په خوراکي توکو کې ۱۰ کیلو اوړه، ۵ کیلو وریژې، ۲ کیلو بوره او ۱.۸ لیتره غوړي شامل دي او په ژمنۍ مرسته کې هرې کورنۍ ته ۱۴ جوړې جرابې، ۴ د ماشومانو کوټونه، ۲ د لویانو کوټونه، یو ښځینه ټیکری، یو د سړیو پټو، ۲ دوې جوړې د لویانو بوټونه او۴ جوړې د ماشومانو دستکشې شاملې دي.
