کابل او ارزګان؛ د ورښتونو له امله زیانمنو کورنیو سره نغدي مرسته وشوه
چهار شنبه، ۱۹ ذو القعده ۱۴۴۷
د افغاني سرې میاشتې له لوري د وروستیو سختو ورښتونو له امله د کابل ښار د دیارلسمې ناحیې د دشت برچي سیمې او بګرامیو ولسوالۍ ۱۳ زيانمنو کورنیو او د ارزګان ولایت د ترینکوټ او دهراود ولسوالیو ۳ کورنیو ته ټولټال ۴۸۰ زره افغانۍ نغدي مرسته ووېشل شوه.
یاده مرسته، چې د چین سره صلیب له لوري چمتو شوې وه، هرې کورنۍ ته د انساني همدردۍ په موخه ۳۰ زره افغانۍ ورکړل شوې.
افغاني سره میاشت د طبیعي پېښو له امله د زیانمنو هېوادوالو لاسنیوی خپل بشري مسؤولیت ګڼي او هڅه کوي د بېړنیو مرستو له لارې د هغوی اساسي اړتیاوې پر وخت پوره کړي.
