په کابل کې د نړیوال سره صلیب د همغږۍ د مشر د ماموریت پای!
نن دوشنبه د روان ۱۳۹۹ لمریز کال د سلواغې پر ۱۳ نیڼه په افغانستان کې د نړیوال سره صلیب د کړنو د همغږۍ مشر ښاغلي عبدالرزاق اسامه، د افغاني سرې میاشتې ټولنې د مرستیال او سرپرست ښاغلې ډاکتر میرویس اکرم، سکرترجنرالې آغلې ډاکتر نیلاب مبارز ، د سره صلیب او سرې میاشتې د نړیوال فدراسیون د استازو او ملي ټولنې د مرکزي دفتر د یو شمیر ریسانو په ګډون سره د افغاني سرې میاشتې ټولنې او کارکوونکو سره مخه ښه وکړه او په افغانستان کې یې دنده په رسمې ډول پای ته ورسیده.
د یادونې وړ ده چې ښاغلي اسامه د سره صلیب او سرې میاشتې د نړیوال غورځنګ یو تجربه کاره غړی دی چې له ۱۹۹۹ میلادي کال را پدې خوا یې په بیلابیلو هیوادونو کې دندې ترسره کړې.
ښاغلي اسامه په افغانستان کې په ځانګړې توګه له افغاني سرې میاشتې تولنې سره له خپل ماموریت څخه خوښي وښوده او دایې د ځان لپاره یو ویاړ وباله.
په افغانستان کې د نوموړي کړنې او لاسته راوړنې د افغاني سرې میاشتې ټولنې د مشرتابه له لوري وستایل شوې او د سرې میاشتې پر نښان مزینې ډالۍ سره یې رخصت کړ.
