په ارزګان کې د افغاني سرې میاشتې له لوري ۳۰۰۰ کورنیو ته د مرستو ویش پای ته ورسېد
د ارزګان ولایت په مرکز کې د افغاني سرې میاشتې له لوري نن د مرغومي پر ۲۲مه بې سرپرسته، وچکالۍ ځپلو او بې ځایه شویو ۳۰۰۰ کورنیو ته د مرستې وېش پای ته ورسېد.
یاده مرسته د نړیوال فدراسیون له لوري چمتو شوې وه، چې په یوه اونۍ کې وویشل شوه. په دې مرسته کې ۸ قلمه مواد شامل وو، چې په کې هرې کورنۍ ته ۵۰ کیلو اوړه، ۲۴.۵ کیلو وریژې، ۷ کیلو لوبیا، ۵ کیلو بوره، ۲ کیلو مالګه، ۱ کیلو چای، یوه قطعۍ BP۵ بسکوټ او ۱۰ لیتره غوړي وویشل شول.
