په ارزګان کې د افغاني سرې میاشتې له لوري له د مرستو شمېر ۲۸۰۰ کورنیو ته ورسېد
د ارزګان ولایت په مرکز کې د افغاني سرې میاشتې له لوري ۳۰۰۰ بې سرپرسته، وچکالۍ ځپلو او بې ځایه شویو کورنیو سره د مرستو شمېر ۲۸۰۰ ته ورسېد.
ددې مرستو پیل د روان ۱۴۰۰ لمریز کال د مرغومي پر ۱۷مه شوی، چې په کې ۵۰۰ کورنیو ته د مرغومي پر ۱۷مه، ۸۵۰ کورنیو ته د مرغومي پر ۱۸مه، ۹۰۰ کورنیو ته د مرغومي پر ۱۹مه او ۵۵۰ کورنیو سره پرون د مرغومي پر ۲۰مه یاده مرسته وویشل شوه.
یاده مرسته د نړیوال فدراسیون له لوري چمتو شوې، چې په کې ۸ قلمه مواد شامل دي، چې په کې ۵۰ کیلو اوړه، ۲۴.۵ کیلو وریژې، ۷ کیلو لوبیا، ۵ کیلو بوره، ۲ کیلو مالګه، ۱ کیلو چای، یوه قطعۍ BP۵ بیسکویټ او ۱۰ لیتره غوړي شتون لري.
