پنجشېر؛ د غر ښویېدنې له امله زیانمنې کورنۍ سره نغدي مرسته وشوه
دوشنبه، ۱۲ صفر ۱۴۴۸
د افغاني سرې میاشتې له لوري د پنجشېر ولایت د شتل ولسوالۍ په آرزابه کلي کې د غر ښویېدنې له امله زیانمنې کورنۍ سره نغدي مرسته وشوه.
یاده کورنۍ، چې د پېښې له امله ورته ځاني او مالي زیانونه اوښتي وو، د بېړنیو اړتیاوو د پوره کولو په موخه ورته یوه اندازه نغدي مرسته ورکړل شوه.
افغاني سره میاشت د طبیعي پېښو له امله د زیانمنو کورنیو پر وخت لاسنیوی خپل بشري مسؤولیت ګڼي او هڅه کوي، چې د شته امکاناتو په چوکاټ کې د هغوی د بېړنیو اړتیاوو د پوره کولو لپاره لازمې مرستې ورسوي.
