ننګرهار کې ۱۲۴ سېلاب ځپلو کورنيو ته د لنډمهالې سرپناه لپاره خېمې ووېشل شوې
دوشنبه، ۱۷ ذو القعده ۱۴۴۷
د افغاني سرې مياشتې له لوري د ننګرهار ولايت د پچيرآګام ولسوالۍ ۱۲۴ سېلاب ځپلو کورنيو ته، چې د استوګنې لپاره يې مناسب ځای نه درلود او د سرپناه له نشتون سره مخ وې، د لنډمهالې سرپناه لپاره خېمې ووېشل شوې.
ياده مرسته د سره صليب نړيوالې کمېټې له لوري برابره شوې وه، چې له مخې يې هرې کورنۍ ته يوه خېمه ورکړل شوه.
افغاني سره مياشت هڅه کوي، چې د طبیعي پېښو له امله زيانمنو شويو هېوادوالو ته پر وخت او اغېزمنې مرستې ورسوي.
