لوګر کې ۲۵ سېلاب ځپلې کورنۍ له بشري مرستو برخمنې شوې
پنجشنبه، ۹ ربیع الآخر ۱۴۴۷
د افغاني سرې میاشتې له لوري په لوګر ولایت کې له ۲۵ سېلاب ځپلو کورنیو سره د خوراکي او غیر خوراکي توکو مرسته وشوه.
په مرسته کې هرې کورنی ته ۵۰ کیلو اوړه، پنځه لېټره غوړي، لس کیلو وریژې، پنځه کیلو لوبیا، دوه کیلو بوره، یوه کیلو روب، یوه کیلو مکروني، درې پاکټه بیسکوټ، پنځه کمپلې، یو د اوبو سطل، یو بوتل د لوښو مینځلو شامپو، دوه چکۍ د لاس مینځلو صابون، یو د پخلنځي توکو سیټ او یوه د روغتیا ساتنې بسته ورکړل شوه.
