لغمان کې د زلزله ځپلو لاسنیوی؛ ۷۰۰ کورنۍ له روغتیايي بستو برخمنې شوې
یکشنبه، ۲۵ شوال ۱۴۴۷
د افغاني سرې میاشتې له لوري د لغمان ولایت د علینګار ولسوالۍ په اړوندو سیمو کې ۷۰۰ زلزله ځپلې کورنۍ د روغتیايي بستو له مرستو برخمنې شوې.
یادې مرستې چې د ملي ټولنو د نړیوال فدراسیون له لوري چمتو شوې وې، هرې کورنۍ ته د روغتیايي ستونزو د مخنیوي په موخه د روغتیا ساتنې یوه یوه بسته ورکړل شوه.
همداراز، له دغو کورنیو څخه ۴۰۰ کورنیو ته د انساني کرامت بستې هم ووېشل شوې، چې د حفظ الصحې پر توکو مشتملې وې.
افغاني سره میاشت د طبیعي پېښو له زیانمنو کورنیو سره د بشري مرستو او ملاتړ بهیر دوامدار پر مخ وړي.
