عمومي رئیس؛ پکتیا کې به نږدې راتلونکي کې پر ۵۰۰ کورنیو د خوراکي او غیر خوراکي توکو مرسته ووېشل شي
شنبه، ۱۵ جمادى الآخره ۱۴۴۷
د افغاني سرې میاشتې د عمومي رئیس ښاغلي شیخ الحدیث شهابالدین دلاور او د پکتیا ولایت د والي ښاغلي الحاج ملا مهرالله حماد تر منځ مرکزي دفتر کې د پکتیا مېشتو اړمنو او بېوزلو کورنیو د اقتصادي وضعیت، بېړنیو اړتیاوو او ستونزو ته د رسېدنې په موخه ناسته ترسره شوه.
ناسته کې ښاغلي دلاور د پکتیا ولایت والي سره اړمنو او بې وسه کورنیو ته د مرستو برابرولو ډاډ ورکړ او زیاته یې کړه، چې نږدې راتلونکي کې به ۵۰۰ اړمنو او مستحقو کورنیو ته د خوراکي او غیر خوراکي توکو مرسته چمتو او ووېشل شي.
