شيخ الحديث شهاب الدين دلاور: د رواني ناروغانو د درملنې خدمات پراخوو
شنبه، ۱۱ ربیع الآخر ۱۴۴۷
د افغاني سرې میاشتې عمومي رئیس ښاغلي شیخ الحدیث شهاب الدین دلاور، ننګرهار کې د ختیځ زون د رواني ناروغانو د ساتنې او درملنې له مرکز څخه لیدنه وکړه.
لیدنه کې ښاغلي دلاور، رواني ناروغانو ته د وړاندې کېدونکو روغتيايي خدمتونو د کیفیت، تفرېح ځایونو، پخلنځي او استوګنځايونو وضعيت و ارزوه.
نوموړي مسٸولينو ته له ناروغانو سره پر ښه چلند، نېکې رويې او د پاکوالي په برخه کې پر جدي پاملرنې ټينګار وکړ او هم یې د دوی هر اړخیز خدمتونه وستایل.
ښاغلي دلاور وویل: افغاني سره میاشت به د رواني ناروغانو لپاره د لا ښه والي په موخه د درملنې او هر اړخیزه خدمتونو د پراختیا په برخه کې چټک ګامونه واخلي او لا زیاتې اسانتیاوې به ورته برابرې کړي.
