د نیمروز ګرځنده روغتيايي ټيم لپاره د موټر کرایه کولو داوطلبي وشوه
شنبه، ۲۵ ربیع الآخر ۱۴۴۷
د افغاني سرې میاشتې د فعالیتونو د لا پراختیا او اغېزمنتیا په موخه مرکزي دفتر کې د نيمروز ولایت د نماینده ګۍ ګرځنده روغتیايي ټيم لپاره د یو عراده فلاينکوچ موټر د کرایه کولو په موخه د داوطلبۍ ناسته وشوه.
دغه ناسته چې د تهیې او تدارکاتو آمریت له لوري ترتیب شوې وه، د ۳ ترانسپورتي شرکتونو استازو په کې ګډون درلود، چې د اسنادو تر دقیقې ارزونې وروسته به د موټر د کرایه کولو قرارداد پر شرایطو برابر ګټونکي شرکت ته ورکړل شي.
