د ملي ټولنو نړیوال فدراسیون د راستنېدونکو کډوالو د لاسنیوي ژمنه وکړه
یکشنبه، ۳۰ د صَفَر ۱۴۴۷
د افغاني سرې میاشتې عمومي رئیس ښاغلي شیخ الحدیث شهاب الدین دلاور، د افغانستان لپاره د ملي ټولنو نړیوال فدراسیون د کډوالو د برخې له مسئول ښاغلي برو یانیک سره افغانستان ته له ګاونډيو هېوادونو د بېرته راستنېدونکو کډوالو د ستونزو د حل او لاسنیوي په موخه ناسته وکړه.
د افغاني سرې میاشتې عمومي رئیس د راستنېدونکو کډوالو د لاسنیوي په پار په افغانستان کې د ملي ټولنو نړیوال فدراسیون مرستې حیاتي وګڼلې او د کډوالو اړتیاوو ته د رسېدنې او ستونزو د ژر حل لپاره یې د پراخو بشري مرستو غوښتنه وکړه.
ښاغلي یانیک د راستنېدونکو کورنیو ستونزو ته د رسېدنې او مرستو برابرولو ژمنه وکړه او له افغاني سرې میاشتې سره یې د همکاریو پر دوام ټینګار وکړ.
