د لوی اختر په مناسبت پر اړمنو او بېوزله وګړو ۲.۷ ټنه غوښه ووېشل شوه
یکشنبه، ۱۱ ذو الحجه ۱۴۴۶
نن د اختر په دوهمه ورځ، یو ځل بیا د افغاني سرې میاشتې له لوري د ترکیې د UMDE خیریه بنسټ په مالي ملاتړ د لوی اختر په مناسبت د کابل اړوند په کوټه سنګي، خوشحال خان، چهلستون، عبد الحق څلور لارې، خير خانه کوتل، د کابل بالا حصار تر چهار آسياب، آرزان قېمت، سينما پامير، سرای شمالي، شاه شهيد، کارته نو، پلچرخي، دار الامان او دشت برچي سيمو سربېره د کابل ښار په بېلابېلو ناحيو کې پر ۹۰۰ اړمنو، غریبکارو او بېوزله هېوادوالو په ټوله کې ۲.۷ ټنه غوښه ووېشل شوه، چې هر یوه تن ته ۳ کیلو ګرامه غوښه ورکړل شوه
