د شمالي ولایتونو زلزله؛ اتصالات مخابراتي شرکت افغاني سرې میاشتې ته ۳ میلیونه افغانۍ نغدي مرسته وسپارله
پنجشنبه، ۱۵جمادي الأول ۱۴۴۷
بلخ او سمنګان ولایتونو کې د زلزلې له امله د زیانمنو شوو هېوادوالو د بېړني لاسنيوي او د لومړنیو اړتیاوو د برابرولو په موخه د اتصالات مخابراتي شرکت استازو د افغاني سرې میاشتې عمومي رئیس ښاغلي شیخ الحدیث شهاب الدین دلاور ته د درې میلیونه (۳،۰۰۰،۰۰۰) افغانیو د نغدي مرستې چِک وسپاره.
عمومي رئیس د اتصالات مخابراتي شرکت د نغدي مرستې مننه وکړه، د زلزله ځپلو د بېړني لاسنیوي لپاره یې دا ډول مرسته مهمه وبلله او ډاډ یې ورکړ، چې مرسته به یې په بشپړ شفافیت تر زیانمنو کورنیو ورسول شي.
