د جګړې پر وخت څنګه د ټپیانو لومړۍ روغتیایي مرسته وکړو؟
په همدې اړه د افغاني سرې میاشتې د روغتیاپالو له لوري د میدان وردګ ولایت په مرکز کې د قلعه باشي په سیمه کې د افغاني سرې میاشتې ۲۵ تنو رضاکارانو ته درې ورځني ورکشاپ کې عملي او نظري زده کړه ورکړل شوه. په یاد ورکشاپ کې دوی ته ور زده کړل شول، چې د ژوند حیاتي نښې څه دي؟ ټپي ته څنګه تنفس ورکول کېږي؟ د شدید ټپ پر مهال زړه ته څنګه مرسته ورکول کېږي؟ ټپ څنګه تړل کېږي، مات هډوکي څنګه تړل کېږي؟ د ټپي وینه څنګه بندېږي؟ ټپي روغتون یا د امن سیمې ته څنګه لېږدول کېږي؟ لیوني سپي خوړلي کس سره څنګه لومړنۍ مرسته وشي او مار چیچلي ته څنګه لومړۍ روغتیایي مرسته ورکول کېږي؟
