د افغاني سرې میاشتې سرپرست عمومي رییس د افغاني سرې میاشتې مرکزي دفتر کې د لوی اختر د مبارکۍ په مناسبت د افغاني سرې میاشتې سکرتر جنرال ښاغلي ډاکټر محمد نبي برهان، د ګڼو ریاستونو رییسانو، امرینو او نورو کارکوونکو غونډه ترسره کړه!
د ذوالحجې پر ۱۳مه د افغاني سرې میاشتې مرکزي دفتر کې د لوی اختر د مبارکۍ په مناسبت د افغاني سرې میاشتې د سرپرست عمومي رییس ښاغلي مولوي مطیع الحق خالص، د افغاني سرې میاشتې سکرتر جنرال ښاغلي ډاکټر محمد نبي برهان، د ګڼو ریاستونو رییسانو، امرینو او نورو کارکوونکو غونډه ترسره کړه.
د افغاني سرې میاشتې سرپرست عمومي رییس ښاغلي مولوي مطیع الحق خالص د پیل خبرو کې د افغاني سرې میاشتې کارکوونکو ته د اختر مبارکي وړاندې کړه. نوموړي وویل د اخترونو ورځې د الله تعالی له لوري د خوشالۍ ورځې دي، کوچني اختر کې مسلمانان د فطر د صدقې په ورکړه د خپلو غریبو وروڼو لاسنیوی کوي ښاغلي خالص د خپلو خبرو دوام کې وویل چې د خوښۍ او ویاړ خبره داده چې د افغاني سرې میاشتې کارکوونکو د سیلاب او زلزله ځپلیو سیمو له اوسېدونکو سره یو ځای د خپلو کورونو ډېر لرې له هغوی سره اختر تېر کړ، د هغوی خدمت یې وکړ او اړتیاوې یې ور پوره کړې. نوموړي وویل، چې دا ویاړ یوازې زما نه بلکې ستاسې د ټولو شریک ویاړ دی، چې د ګړندیو هڅو له امله مو خپل کړی؛ په ټولو کارکوونکو نه یوازې دا چې ویاړ کوم بلکې مننه هم درڅخه کوم او راتلونکي کې د لا ډېر پرمختګ هیله درڅخه لرم! زموږ ټولو هدف په ملي او نړیواله کچه د افغاني سرې میاشتې پرمختګ او د خوار ولس لاسنیوی او مرسته مو ګډ ارمان دی. د افغاني سرې میاشتې سرپرست عمومي رییس ښاغلي مولوي مطیع الحق خالص د خبرو پای کې زیاته کړه افغاني سرې میاشتې ته د مشرانو په حکم د خدمت په منظور له یو څادر سره راغلی یم، د بېرته تګ پر مهال د هیڅ اضافي امتیاز غوښتونکی او اخیستونکی نه یم.
