د افغاني سرې میاشتې، آیسيارسي او د ډنمارک سره صلیب ترمنځ د بېسرپرسته مېرمنو د ملاتړ په موخه درېاړخیزه ناسته وشوه
یکشنبه، ۱۶ جمادي الآخره ۱۴۴۷
د افغاني سرې میاشتې عمومي رئیس ښاغلي شیخ الحدیث شهاب الدین دلاور، مرستیال ښاغلي حافظ عزیز الرحمن، په افغانستان کې د آی سي آر سي د مسؤولې آغلې کترینا ریټز او د ډنمارک سره صلیب مسؤول ښاغلي محمد الشمع
تر منځ د بې سرپرسته مېرمنو د مالي ملاتړ، سهولتونو برابرولو او په ټولنه کې د بیا مدغم کېدو په هکله درې اړخیزه ناسته وشوه.
ناسته کې درې واړو لوریو د همکاریو پر پیاوړتیا توافق وکړ او پرېکړه وشوه؛ څو د بې سرپرسته مېرمنو د ملاتړ او هغوی ته د مالي، ټولنیزو، رواني او مسلکي خدمتونو چمتو کولو په اړه د یوې کړنلارې په جوړولو ټینګار وشو.
