خوست کې د راستنو شوو کډوالو لاسنیوی؛ پر ۱۰۰۰ کورنیو خوراکي او غير خوراکي مرسته ووېشل شوه
دوشنبه، ۱۵ رجب ۱۴۴۷
د افغاني سرې میاشتې د عمومي رئیس ښاغلي شیخ الحدیث شهاب الدین دلاور په ځانګړي لارښوونه، د خوست ولایت په مرکز کې پر ۱۰۰۰ راستنو شوو کډوالو کورنیو ۷۱ ټنه خوراکي مرسته ووېشل شوه.
په مرسته کې هرې کورنۍ ته ۷۱ کیلو خوراکي توکي ورکړل شول، چې په کې اوړه، وریژې، غوړي، بوره، کیلو رُب او مکروني شامل وو.
سربېره پر دې، هرې کورنۍ ته یو شمېر غیر خوراکي توکي هم ووېشل شول، چې د ښځینهوو کالي، د سر مینځلو شامپو او نور اړین توکي پکې شامل وو.
دا مرسته به د یادو کورنیو د خوراکي توکو د لنډمهاله اړتیاوو په پوره کولو کې مهم رول ولوبوي.
افغاني سره میاشت د راستنو شوو کډوالو ترڅنګ ولاړه ده او د هغوی لاسنیوی او خدمت خپل انساني او ملي مسؤولیت ګڼي.
